الرئيسية دخل أضافي تجربتي مع ارامكس فلييت ، وشرح التسجيل بالصور

دخل أضافي

تجربتي مع ارامكس فلييت ، وشرح التسجيل بالصور

Saudi 65

A+ A-

السلام عليكم ورحمة الله وبركاته ،،

 نظراً لقلة المعلومات حول خدمة #ارامكس_فلييت    سواءً في مواقع الإنترنت أو وسائل التواصل الاجتماعي وكذلك الاستفسارات والاسئله اللي توصلني على حسابي بتويتر عن العمل مع ارامكس فلييت و رواتب أرامكس فلييت وهل العمل معهم مجزي ومُربح ، وايش السلبيات والايجابيات بالعمل مع ارامكس فلييت ، بنزلها على شكل نقــاط حتى تصــل المعلومه بسهولة , من المعروف ان لكل عمل له ايجابيات وسلبيات انا من خــلال عملي معهم تقريباً 9 شهور بلخص لكم الايجابيات والسلبيات اللي واجهتها - ممكن ما تواجهها او ممكن ماتشوفها سلبيه او ايجابيه بالنسبة لك - 

 قبل نبدأ

-اولاً ماهي خدمة ارامكس فلييت ؟ هي خدمة توصيل تشاركي يعني تشتغل مع شركة ارامكس في توصيل الطرود والشحنات ، و رواتب أرامكس فلييت يستلمها الموظف الرسمي بالشركة وليس المتعاون اللي بطبيعة الحال بيستلم المبالغ من توصيل الشحنات.

◾️ايجابيات العمل مع ارامكس فلييت :

- مردود مادي جيد جداً الى ممتاز للي بيجتهد بالعمل.

- اعمل متى ما أبغى ، ماراح تكون ملزم بوقت معين او يوم معين للعمل متى ما بغيت تعمل اعمل.

- تختار الحي اللي تبدا توصل فيه حتى لو كان الحي اللي انت ساكنه "حسب التوفر" .

- مبلغ توصيل الشحنه الافضل تقريباً بالمقارنه مع شركات اخرى .

- حوافز اسبوعيه او شهريه ، مثلاً توصل 100 شحنه في اسبوع ولك مبلغ معين يضاف في حسابك.

- طريقة طلب الشحنات من الموقع الخاص بالخدمه سهل وبسيط وبدون اي تعقيد عكس الشركات الاخرى تجي تحجز الشحنات وسط زحام المشتركين معك. 

◾️سلبيات العمل مع ارامكس فلييت :

- ارجاع الشحنات نهاية اليوم "اجباري" لمستودع الشحنات والمبالغ المحصله. 

- زحمة اللي يرجعون شحناتهم هذي اكبر السلبيات اللي واجهتها لكن في بعض الاحيان او من النادر ماحصل زحام عند كاونتر الارجاع. 

- تطبيق العمل اللي تحمله على جهازك معقد فكنت اعتمد على الورق في عملي. 

- بعض العملاء والحمدالله انهم ماهم الاغلب تأخذ منه موعد بالاستلام وعند الوصول تتفاجأ ان جواله مقفل او مايرد عليك.

- في بعض الاحيان تحصل اخطاء في موقع تسليم الشحنه مثلاً عميل في حي الربوه بالرياض تتفاجأ انه بحي الربوه في جده وهذي صارت لي. 😅 

🗳 نقاط عالسريع عن العمل مع ارامكس فلييت : - معدل مبلغ الشحنه الواحده من 14 ريال الى 18 ريال حسب الحي. 

- معدل عدد الشحنات المستلمه من 16 شحنه الى 40 شحنه كحد اقصى. 

- يوجد كاونتر خدمة ذاتيه يعني انت ترجع شحناتك بنفسك لكن لازم تكون مدخلها في تطبيق الجوال عند التوصيل ، وذكرت ان تطبيقهم معقد جداً للاسف. 

تنصح بالعمل بأرامكس فلييت ؟

اما عن العمل مع ارامكس فلييت  بالغالب بأنصح بالعمل معهم وذلك للتجربه فيمكن السلبيات اللي انا ذكرتها تعتبر بالنسبه لك ولا شي، وممكن مع الوقت تكتشف ايجابيات ماذكرتها هنا، واللي اتمناه للأمانه أنها تناسبك وتكون مصدر دخل لك .

كيف التسجيل بخدمة ارامكس فلييت ؟

عن طريق الموقع.

هنا

◾️ متطلبات العمل مع ارامكس فلييت:

- استمارة السياره "ساريه المفعول" - رخصة قيادة "ساريه المفعول" - صورة شخصيه - بطاقة الاحوال - حساب بنكي (الايبان)

 **كل ماذكر ترفعها عن طريق الموقع **

( شرح التسجيل بالصور للعمل مع ارامكس فلييت )

أول ما تفتح الرابط راح تظهر واجهة الموقع تختار البلد وتضغط على ( أنضم الى فليت ).

ثم ادخال رقم هاتفك بدون رقم صفر واضغط ( التالي).

سيصلك على الهاتف رقم التفعيل والمكون من أربعة أرقام ادخله في الخانه واضغط ( التالي ).

ثم تمليء البيانات الموضحه بالصورة اعلاه مع رفع صور المستندات المطلوبة 

( الهوية + صورة شخصيه ) ثم ( التالي ).

ثم تختار المدينة اللتي ترغب بالعمل بها .. ثم تظهر في المربع الاحياء الموجوده بالمنطقه , اختر واحده او اخترها كلها لك الخيار ثم ( التالي ).

ثم اختر الايام اللتي ترغب بالعمل بها مع التوقيت المناسب لك ثم ( انهاء ).

سيصلك بريد الكتروني على الايميل المسجل من قِبلك من شركة ارامكس ..

ممتاز , وصل الايميل اضغط على ( أضغط هنا ) أو الرابط ليحولك إلى اكمال بيانات التسجيل.

ادخل معلومات مركبتك حسب ماهو موضح وبشكل صحيح ، مع رفع صورة الإستمارة ورخصة القيادة ومن ثم ( التالي ).

في اخر خطوه لك الخيار في تعبئة بياناتك البنكية ، وأفضل أن يتم تعبئتها ثم اختر ( حفظ ).👌🏻

بعد يومين او اربعة ايام عمل يتواصلون معك برساله او بأتصال ويعطونك موعد الدورة التدريبيه ، و دورة أرامكس فلييت ( مدتها ساعه ) تتكلم عن شرح العمل واستخدام الموقع والتطبيق و ... الخ ، دورة بسيطه جداً وبالنهايه يزودونك برقم العميل والباسوورد ، هنا انت جاهز للعمل! 

مواضيع مختارة للربح من المنزل (هنا)

وبالنهايه هذي تجربتي مع ارامكس فلييت اتمنى اني وفقت في تغطية كل الجوانب المتعلقه بالعمل كشريك و مندوب في ارامكس فلييت ، اي استفسار اكتبه تحت بالتعليقات وبأذن الله اجاوبه. 💚

الوسوم: دخل أضافي